Westerbörk
Ik was vandaog in Westerbörk. Het kamp is vot,
maar wel kuj zeen waor de barakken stunnen.
De bomen wiest de plek waor alles was, verbunnen
deur de middenstraat, die deurliep tot het lot
bepaolde wie met de trein wieder mus gaon.
Ik zag ze staon: het jonkie oet mien klas, zien naom
in schoolschrift schreven – Bennie Valk – hij weur verdaon.
Doe ik er was leupen anere kinner de zölfde baon,
die hij met zien karbies aoflegde. Ik zag
de rails, verbeugen tot opstandigheid. De trein
is jaoren vot. Een golden ende kreeg de dag
dat ik daor was in Börk. De zun streek locht
over het pad. En oet de sterren kwam het sein
dat hij veurbij kwam op zien leste tocht.
Gerard Nijenhuis
Bron: 'Gieten, namen op de steen', H.Kuik en W. van der Neut-Legemaat, 1994, uitgave Stichting Het Drentse Boek, Zuidwolde
Verhaal
Gedicht voor Benjamin Valk
Dichter Gerard Nijenhuis zat op de lagere school in Gieten (waar zijn vader burgemeester was) in de klas met Benjamin Valk. Hij schreef - veel later - een ontroerend gedicht voor Bennie.